(25 марта 2015) Новак Жокович Калифорниядагы “Би-Эн-Пи Парибас” мелдешинин финалында Роджер Федерерди жеңип, карьерасындагы элүүнчү титулуна ээ болду.
Федерер бул мелдешти бешинчи жолу утуп алууну көздөп турган. Бирок дүйнөнүн биринчи ракеткасы саналган сербиялык Жокович кайрадан күчтүүлүгүн көрсөттү. Аялдардын финалында Симона Халеп Елена Янковичти жеңип чыкты.
“Ла-Лига”
“Барселона” түндөгү жеңишинен кийин атаандашы “Реал Мадридден” төрт упай алдыга оозуп кетти. “Ла-Лиганын” алкагындагы бул оюн 2-1 менен аяктады. Жереми Матьё жана Криштиану Роналду биринчи таймда эсепти тең-тең кылганы менен 56-мүнөттө Луис Суарес жеңиш алып келген голду киргизди. Суарес жети оюнда жети гол киргизди.
Премьер-лига
Англиянын премьер-лигасында болсо “ливерпулдук” Стивен Жеррард көпчүлүктүн көңүлүн калтырганы үчүн кечирим сурады. Ал “Манчестер Юнайтед” менен беттеш маалында Андер Эрреранын бутун тебелегени үчүн оюндан чыгарылган. 2-1 менен аяктаган мелдешти “Юнайтеддин” тренери карьерасындагы эң мыкты жеңиштердин бири деп атады. Эми “Ливерпуль” “Юнайтедден” беш упай артта калды.
http://www.bbc.co.uk/